Ua i ai i le susuga a Russell M. Nelson, o se taitai o le faatuatuaga o le lalolagi atoa ma le peresitene o Le Ekalesia a Iesu Keriso o le Au Paia o Aso e Gata Ai, se savali fou o le faamoemoe, faamalologa, ma le lotogatasi e fesoasoani ai ia siitia ese i tatou mai o’oo’oga o le KOVITI-19 ma lia’iese isi mala e pei o le inoino ma le faatufanua.
Ua ofoina a’e e le perofeta se tatalo o le lotofaafetai mo le lalolagi ma tagata taitasi o i ai. Ua ia valaauliaina foi tagata uma, i soo se mea, e faia ni mea taua se lua e fesoasoani ai ia faamaloloina a tatou sootaga ma nuu ua afaina:
1. Liliu le ala faasalalau faaagafesootai i lau lava api talaaga o le loto faafetai mo aso e fitu.
2. Fai se tatalo o le faafetai
Sii mai le vitio lea.
I le faaalia ai o lona lava lotofaafetai mo saienitisi ma le au suesue o e o loo atina’eina se tuipuipui mo le KOVITI-19, ua faamanatu mai ai e le perofeta (o se uluai fomai tipitipi o le fatu ma le fatafata) ia i tatou e faapea “e leai se vailaau po o se togafitiga e mafai ona toefaufauina le tele o faanoanoaga ma faafitauli faaleagaga tatou te fetaia’i” o se sosaiete tuufaatasi a le lalolagi. Ua aofia ai amioleaga o le inoino, vevesi, faailogalanu, limatētē, lē faamaoni, ma le faatufanua. “Peitai, o loo i ai se vaifofo—o le tasi e foliga mai e faate’ia—ona e feteenai ma o tatou manatu ma lagona faalenatura,” ua saunoa ai Peresitene Nelson. “Ae peitai, o ona aafiaga ua faamaoniaina e saienitisi faapea ai foi ma alii ma tamaitai o le faatuatua. O loo ou faasino atu i le mana faamalolo o le lotofaafetai.”
Asiasi i le GiveThanks.ChurchofJesusChrist.org e faitau ma matamata i le savali faavitio a le perofeta i gagana e 31. A o e i ai iina, e mafai foi ona e faitau i le tala patino a Peresitene Nelson i le taimi ma le ala na ia mauaina ai le musumusuga e ofoina ae lenei tatalo o le lotofaafetai.