O le a faasoa mai e Peresitene Russell M. Nelson, le perofeta ma le peresitene o Le Ekalesia a Iesu Keriso o le Au Paia o Aso e Gata Ai, se savali faapitoa faavitio i le lalolagi i le aso 20 o Novema, 2020 i le 11 i le taeao. MST.
O lenei vitio 11 minute o le a taulai atu i ala e mafai ona tatou maua ai le faamoemoe ma le faamalologa e ala ia Iesu Keriso i lenei taimi o le afaina ma le faaletonu maoae o le lalolagi. O le a faasalalauina i faitotoa o faasalalauga faaleagafesootai a Peresitene Nelson (Facebook, Instagram, Twitter) ma i luga o le alaata autu o le YouTube a le Ekalesia i gagana e 31.* O le a vave ona maua le vitio pe a maea e matamata ai e ala i faatonuga mai le ma mo le sii mai le Newsroom.ChurchofJesusChrist.org ma i le Church’s Gospel Media.
Na avea Peresitene Nelson o se Aposetolo a le Alii o Iesu Keriso talu mai le 1984. Na avea o ia ma taitai sinia o le Ekalesia ia Ianuari 2018. Ua iloga lona taimi o se peresitene i le auaunaga i le lalolagi atoa (ua asiasi atu o ia i atunuu e 32 ma i teritori o le I.S), ua faateleina le fauga o malumalu (o o tatou avanoa aupito sili ona paia), ma suiga maoae faalefaalapotopotoga. Na amata i le konafesi aoao ia Aperila 2018, lea na lagolagoina ai o ia o le peresitene o le Ekalesia, sa amata folasia mai ai e Peresitene Nelson ia fetuunaiga faisoo na mamanuina e fesoasoani ai i le Au Paia e auauna atu atili e pei o Iesu Keriso ma faamamafa atili ai le faatotonugalemu o le Faaola o le lalolagi i mea uma e faia e le Ekalesia.
A o lei avea o se taitai faatuatua i le lalolagi atoa, o Peresitene Nelson o se uluai fomai tipitipi o le fatu. I le avea ai ma se foma’i tipitipi mao’i i Minesota i le 1951, sa fesoasoani o ia e sailiili ma amatalia le uluai masini o le fatu ma le māmā sa faaaoga i se ta’otoga tatala o le fatu. Sa ia faatinoina le uluai taotoga o le tatalaina o le fatu i Iuta i le 1955. Sa avea o ia ma peresitene o le Sosaiete a Fomai Tipitipi o Alatoto, o se faatonu sili o le Fono Faatonu o Fomai Tipitipi o Fatafata a Amerika, o le taitaifono o le Aufono Faufautua o Fomai Tipitipi o le Fatu ma Alatoto o le Asosi Fatu Amerika, ma le peresitene o le Asosi Faafomai o le Setete a Iuta. Na ia tusia le tele o mataupu o tusi faafomai ma isi lomiga. Sa lauga faafaiaoga o ia ma asiasi faapolofesa i le tele o faalapotopotoga i le Iunaite Setete atoa ma isi atunuu.
O Peresitene Nelson o se tamā o se fanau e toa 10 (iva teine ae tasi le tama), o le tamā matua o le to’a 57, ma le tamā o tamā matua o le to’a 127. O lona faletua muamua, (le tina o le la fanau e to’a 10), o Dantzel, na maliu tusa ma le 16 tausaga talu ai. Ua maliliu le toalua o o la’ua alo teine (o Wendy ma Emily). Na faaipoipo o ia ma lona faletua lona lua o Wendy, talu mai le 2006.
*O le a faasalalauina le vitio i gagana Alepania, Arapi, Kemupotia, Sepuano, Faasaina/FaakKenitonisi, Faasaina/Meniterini, Siekisolovakia, Tenimaka, Take, Faaperetania (ma faamatalaga i le lau), Finelani, Farani, Siamani, Hanikeri, Initonisia, Italia, Iapani, Korea, Monokolia, Nouei, Potukale, Romania, Rusia, Samoa, Sipaniolo, Suetena, Takaloka, Tahiti, Taialani, Toga, ma le Iukerani.